acuèlh musica memòria autras eveniments
L'EXPERIÉNCIA DEL GROP FEMNAS-FORABANDA 1975-1980
revista/revue Vent Terral n°8 "femnas" 1982
"Prenem consciéncia que sèm una fòrça subversiva indispensabla pr'aquò dins lo moviment occitan."
Pendent 5 ans, un grop de femnas exilhadas a París balhan una analisi, una preséncia, una critica novèla al moviment occitan... Maria Josefa Benito, que foguèt membre d'aqueste grop nos conta son istòria.
"Nous prenons conscience que nous sommes une force subversive indispensable dans le mouvement occitan"
Pendant 5 ans un groupe de femmes exilées à Paris apporte une analyse, une présence, une critique nouvelle au mouvement occitan.... Maria Josefa Benito, membre du groupe, nous raconte son histoire.
L'EXPERIÉNCIA DEL GROP FEMNAS-FORABANDA 1975-1980
Son origina :
Lo grop Femnas-Forabanda (nom donat del defòra) es nascut d'un desir de femnas de se rescontrar entre elas. A Paris, dins la permanéncia de l'I.E.O. o dins los cors d'occitan o dins las seradas-debat, la votz de las femnas s'ausissiá pas gaire. Alavetz a la debuta de l'annada 1975-76 espelís un grop de femnas, grop informal, movedís per respondre a un numerò d'Occitania Nòva que se disiá, "Especial-Femnas"! Tre los primièrs acamps una calor fòrta, comunicativa e una atencion amistosa nos environan.
Sèm dins una situacion d'exilhadas occitanas que vivon amb d'occitans o non-occitanas que vivon amb d'occitans.
Realisacions concretas
La riquesa de la nòstra diversitat tanplan dins los trabalhs coma per çò de l'origina geografica fa qu'aqueles rescontres balhan un primièr fruch:
1) Lo numerò 8 de FORABANDA, entièrament redigit per las femnas.
1975. Al somari:
-enquistas de femnas emigradas
-comentaris de libres de femnas
-informacions socialas : las grevistas
de Fos, violéncia sexuala sus las femnas...
-reprovèrbis: la femna vista per l'òme.
-cossí las femnas se definisson politicament : femna e faissisme, femna e marxisme, feminisme e catalanisme.
-critica de l'utilisacion d'una femna per l'ideologia felibrenca: Filadelfa de Gerda.
Aquel numerò 8 foguèt lèu-lèu agotat. I participèron 9 filhas: Catarina, Chantal, Claudina, Francesca, Francesa, Maria Claudia, Maria Josefa, Miquèla, Rosalina. Al mes de julh de 76, Chantal s'en torna al païs, mas garda lo contacte amb nosautras.
2) Tres panèls realisats en 1976-1977. Los portarèm a l'Universitat d'Estiu de Pont-du-Château. A partir de nòtas, de frasas aimadas e causidas dins nòstras lecturas. Un montatge audiovisual "La femme dans la publicité" manlevat a una filha de Nissa nos permet d'organisar aprèp la projeccion una parladissa sus la plaça de la femna en Occitània.
Pel primièr còp una ligason PARIS-PAIS dins l'encastre de l'Universitat occitana se concretisa. De reünions improvisadas se tenon dins la cort, contestadas per fòrçes occitanistas.
Desiràvem qu'aquel material sollicitèsse las femnas occitanas presentas: capitat! Nòstra situacion d'exilhadas, o cal dire, nos implica mens dins una realitat quotidiana alienaira.
Viva emocion davant tal escambi. Lo resson d'aquela experiéncia viscuda es tala que pus tard, aqueles panels circularan pel païs.
3) Lo dorsièr TENDRESA TENDRUM. Quand nos retrobèrem en auton de 1978, decidiguèrem de trabalhar mai regularament, una serada cada quinzenada e una lo tantòst un còp per mes. Malgrat la distáncia que dessepara las unas de las autras, tenèm bon !
Un desir comun: trabalhar sus la sexualitat, la nòstra... Ara que sèm mai fisantosas entre nosautras, nos podèm contar pel menut la nòstra vida. Utilisam un magnetofòn. Tot i passa: lo païs, la familha, la mainada, lo trabalh, las vièlhas feridas, los espèrs nòus... Plaser, pena, tot forra-borra!
Un trabalh d'escota finís que s'impausa, nos sembla d'entreveire una especifitat d'educacion en mitan occitan : pes del clan familhal, pes de la religion, memòria colectiva de l'Inquisicion que pòt aver de rebombidas sul comportament sexual...
Una mesa en fichas segon los tèmas qu'espelisson: es atal que publicam per l'Universitat de Nimes en setembre de 78 lo dorsièr Tendresa-Tendrum que va demorar una basa de soscadissa.
Las dificultats
Las relacions Paris-païs, païs-Paris son totjorn las nòstras preocupacions majoras.
Començam l'annada de 1979 amb lo rendut-compte de l'universitat que ven de se debanar :
-reaccions davant lo dorsièr Tendresa, plan positivas.
-colèra de las femnas de Tolosa agarridas per d'unes òmes a l'Escòla de Vilanòva d'Òlt.
Prenem consciéncia que sèm una fòrça subversiva indispensabla pr'aquò dins lo moviment occitan.
Mas per lo nòstre grop, tres annadas venon de passar: plan d'esperfòrces de trabalh, de compreneson, d'escota amb de resultas palpablas, verificablas.
Doas filhas se'n tornan al païs. Aquí lo contèxte tan movedís de l'exilh.
Quatre novèlas arrivan, dont una de Tolosa que ja coneís la nòstra existéncia. Sentissèm lo besonh de trabalhar sus un projècte, mas quina dificultat per lo realisar!
Dos tèmas ara nos preocupan :
-lo de la Maire
-lo de la tresena persona dins un cople, (amic, amiga, amaire, amaira)
Aqueles temas se semblan opausar, alara que benlèu son ligats. Concretament Cap de produccion del grop.
Per contra, al païs, l'Universitat d'Estiu de Nimes de 1979 se revela d'una riquesa extraordinària per las femnas:
-panèls realisats per lo grop de Tolosa,
-talhièrs femnas,
-forum sul problèma de la femna en Occitània. Quatre del nòstre grop i participan.
Un rendut-compte es establit fin de setembre e alargat dins Talvera n° 4 e 5. D'exemplaris son mandats a de filhas isoladas o a de grops de femnas al païs. Sempre aquela ligason Paris-païs, Exilh-païs.
Nosaus que voliam trabalhar sul tèma de la Maire, la vejèrem sus scèna escafada, negada; jogada atal per doas comedianas del Teatre de la Carrièra dins "Sasons de femnas".
Podiàm pas demorar sus aquel constat amarg. Nos caliá faire quicòm !
Projectes e realisacions 1979-1980.
1) Acamp del 27 d'octobre de 1979 : avèm la visita d'un actor del Teatre de la Carrièra que nos prepausa una reflexion sus dos projèctes
-un tèma masculin (condicion de l'òme veus)
-un tèma femenin (condicion d'una femna veusa)
Raport al tèma de la Veusa, la nòstra intervencion es sollicitada a dos nivels:
-Podèm balhar de testimoniatges de filhas que venon d'un vilatge e que se meton a trabalhar. Coneissem tanben una amiga veusa.
-podèm ajudar a "citadinisar" d'unes tablèus que s'apièjan generalament sus la vida rurala.
Balham atal lo produch de las nòstras reflexions que se van apondre a la massa de documents recampats al païs. La Mitat del Camin sortís a la prima de 80. Avèm vist l'espectacle lo còr sarrat. Sèm estadas impressionadas pel trabalh de las comedianas, noiridas de tantas Paraulas de Femnas e qu'an saput escriure un tèxt tan revindicatiu.
2) Un scenari de film nos es adreçat per Marisa Laget que viu a Reims (nos rescontrèt a l'Universitat) e ven sovent a Paris. Nos manda un trabalh de critica amb de proposicions constructivas e mai benleu una participacion a l'elaboracion d'aquel film.
Caduna del nostre grop legís lo scenari. Una analisa collectiva seguís aquel trabalh individual, puèi rescontram Marisa Laget. Mas lo projècte es rebutat, estant que M. Laget deu davalar al païs.
A la fin de l'annada, una autra de nosaus torna al païs. Vivèm aici çò transitòri, çò provisòri...
Lo grop Femnas FORABANDA s'esparpalha d'un biais tan informal coma s'èra format. Se las realisacions pareguèron pas sufisentas a d'unas, lo bilanç de cinc annadas d'existéncia e de rescontres parla pron d'esperse.
Un grop es un èstre viu: naís e creís, patís de crisis de creis e finís que morís. Femnas-Forabanda a donat naissença a un molon de transformacions per caduna. Recampadas dins un vam de tendresa viva, podrèm pas jamai doblidar aquela experiéncia nascuda dins la situacion particulara qu'èra la nòstra, una situacion d'exilhadas.
MARIA JOSEFA BENITO
L'EXPÉRIENCE DU GROUPE FEMNAS-FORABANDA 1975-1980
Son origine
Le groupe Femnas-Forabanda (que l'on peut traduire par "femmes-exilées/en dehors") (nom donné de l'extérieur) est né d'un désir de femmes de se rencontrer entre elles. À Paris, dans la permanence de l'I.E.O (Institut d'Études Occitanes), dans les cours d'occitan ou dans les soirées-débats on entendait pas beaucoup la voix des femmes. Alors au début de l'année 1975-76 nait un groupe informel de femmes en réponse à l'appel d'Occitania Nòva pour écrire un numéro "spécial femmes" !. Dès les premières réunions une chaleur forte, communicative et une attention amicale nous entoure.
Nous sommes dans une situation d'occitanes exilées qui vivent avec des occitans ou de non-occitanes qui vivent avec des occitans.
Réalisations concrètes
La richesse de notre diversité autant dans les différents travaux que par nos origines géographiques fait sortir de ces rencontres un premier fruit :
1) Le numéro 8 de FORABANDA entièrement rédigé par les femmes.
1975. Au sommaire :
-enquêtes de femmes émigrées
-commentaires de livres de femmes
-informations sociales : les grévistes de Fos, violence sexuelles sur les femmes …
-proverbes : la femme vue par l'homme.
-comment les femmes se définissent politiquement : femme et fascisme, femme et marxisme, féminisme et catalanisme.
-critique de l'utilisation d'une femme par l'idéologie félibréenne : Filadelfa de Gerda.
Ce numéro 8 fut très vité égouté. 9 filles i participèrent : Catarina, Chantal, Claudina, Francesca, Francesa, Maria Claudia, Maria Josefa, Miquèla, Rosalina. Au mois de juin 76, Chantal retourne au pays, mais garde le contact avec nous.
2) Trois panneaux réalisés en 1976-1977. On les portera à l'Université d'Été de Pont-du-Château. À partir de notes, de phrases aimées et choisies dans nos lectures. Un montage audiovisuel "La femme dans la publicité" emprunté à une fille de Nice nous permet d'organiser après la projection une discussion sur la place de la femme en Occitanie.
Pour la première fois une liaison PARIS-PAYS dans le cadre l’université occitane se concrétise. Des réunions improvisées se tiennent dans la cour, contestées par beaucoup d'occitanistes.
On désirait que ce matériel sollicite les femmes occitanes présentes : c'est réussi ! Il faut dire que notre situation d'exilées nous implique moins dans une réalité quotidienne aliénante.
Vive émotion devant tel un échange. L'écho de cette expérience vécue est tel que plus tard ces panneaux circuleront dans le pays.
3) Le dossier TENDRESA TENDRUM (ce que l'on peut traduire par deux façons, féminine et masculine, pour exprimer le mot "tendresse", quoique le dictionnaire "Cantalauseta" nous donne aussi pour "tendrum" la définition de "douleur au sein" .ndlr).
Quand nous nous sommes retrouvées à l'automne 1978 nous avons décidées de travailler plus régulièrement, une soirée chaque quinzaine et une l'après-midi une fois par mois.
Malgré la distance qui nous sépare les unes des autres nous tenons bon !
Un désir commun : travailler sur la sexualité, la notre … Maintenant que nous sommes plus confiantes entre nous, nous pouvons raconter en détail notre vie ? On utilise un magnétophone. Tout y passe : le pays, la famille, les enfantsn le travail, les vieilles blessures, les nouveaux espoirs … Plaisir, peine, tout en vrac !
Un travail découte finit par s'imposer, on semble entrevoir une spécificité d'éducation en milieu occitan : poid du clan familial, pois de la religion, mémoire collective de l'Inquisition qui peut avoir des retombées sur le comportement sexuel...
Une mise en fiche selon les thèmes qui apparaissent : c'est comme ça qu'on publie pour l'Université de Nimes en septembre 78 le dossier Tendresa-Tendrum qui va rester une base de réflexion.
Les difficultés
Les relations Paris-pays, pays-paris sont toujours nos préoccupations majeures.
On commence l'année 1979 avec le compte-rendu de l'université qui vient de se dérouler :
- réaction très positives devant le dossier Tendresa
-colère des femmes de Toulouse agressées per des hommes à Ecole de Villeneuve-sur-Lot.
Nous prenons conscience que nous somme une force subversive pas moins indispensable dans le mouvement occitan.
Mais pour notre groupe, trois années viennent de passer, beaucoup d'effort de travail, de compréhension, d'écoute avec des résultats palpables, vérifiables.
Deux filles retournent au pays. C'est le contexte si versatile de l'exil.
Quatre nouvelles arrivent, dont une de Toulouse qui connait déjà notre existence. On sent le besoin de travailler sur un sujet, mais quelle difficulté pour le réaliser !
Deux thèmes nous préoccupent :
-celui de la Maire
-celui de la troisième personne dans un couple (ami, amie, amant, amante)
Ces thèmes semblent s'opposer, alors qu'ils sont peut-être liés. Concrètement aucune production n'est réalisée.
Par contre, au pays, l'Université d'Été de Nimes de 1979 se révèle d'une richesse extraordinaire pour les femmes :
-panneaux réalisés par le groupe de Toulouse
-ateliers femmes
-forum sur le problème de la femme en Occitanie. Quatre de notre groupe y participent.
Un compte rendu est établit fin septembre et élargit dans Talvera n°4 e 5. Des exemplaires sont envoyés à des filles isolées ou a des groupes de femmes à Paris. Toujours cette liaison Paris-pays, Exil-pays.
Nous qui voulions travailler sur le thème de la maire nous la vîmes effacée, niée ; telle qu'elle était jouée par deux comédiennes du Théatre de la Carrièra dans "saisons de femmes".
On ne pouvait pas rester sur ce constat amêr, il nous fallait faire quelque chose !
Projets et réalisations 1979-1980
1) Rassemblement du 27 octobre 1979 : nous avons la visite d'un acteur du Teatre de la Carrièra qui nous propose une réflexion sur deux projets
-un thème masculin (condition de l'homme veuf)
-un thème féminin (condition d'une femme veuve)
Par rapport au thème de la Veuve, notre intention est sollicitée à deux niveaux :
-On peut apporter des témoignages de filles qui viennent d'un village e qui se mettent à travailler. On connait aussi une amie veuve.
-On peut aider à "citadiniser" certains tableaux qui s’appuient généralement sur la vie rurale.
On apporte ainsi le produit de nos réfléxionx qui vont s'ajouter à la masse de documents rassemblés au pays. La Mitat del Camin (La moitiée du chemin) sort au printemps 80. Nous avons vu le spectacle de cœur serré. On fut impréssionées par le travail des comédiennes, nourries de tant de Paroles de femmes et qui ont sû écrire un texte si revendicatif.
2) Un scénario de film nous est adressé par Marisa Laget qui vit à Reims (nous rencontra à l'Université) et vient souvent à Paris. Elle nous envoie un travail de critique avec des propositions constructives et peut-être même une participation à l'élaboracion de ce film.
Chacune de notre groupe lit le scénario. Une analyse collective suit ce travail individuel, puis nous rencontrons Marisa Laget. Mais le projèt est repoussé, car M.Laget doit descendre au pays.
À la fin de l'année, un autre des notres retourne au pays. Nous vivons ici dans le transitoire, le provisoire …
Le groupe Femnas-FORABANDA s'éparpille d'une manière aussi informelle qu'il sétait formé.
Si les réalisations ne parurent pas suffisentes à certaine, le bilan de cinq années d'existence et de rencontres parle suffisamment de soi-même.
Un groupe est un être vivant : il nait et grandi, souffre de crises et finit par mourir. Femnas-Forabanda a donné naissance à un paquet de transformations pour chacune.
Regroupées dans un élan de tendresse vive, nous ne pourrons jamais oublier cette expérience née dans la situation particulière qui était la notre, une situation d'exilées.
MARIA JOSEFA BENITO
("ombre d'homme vaut cent femmes, provèrbe cevenol")
FORABANDA, revue des occitan.e.s à Paris, bibliographie
- "Esquema e vocabulari dels organs sexuals" n°1
- "la femnas vista per l'òme a travèrs dels reprovèrbis, n°2
- "Femna exilhada, as drech a la paraula", tres enquistas, n°3
- La Femna en Bearn", n°3
- "Tres impressions de passada per Occitania" ("tèxtes de femnas" e "Reprovèrbis sus las femnas") (seguida), n°5
- "Afar de viol a Marselha" (lecturas diferentas) e "tèxte de la Comession Femnas de Luta Occitana" n°6
- "Los rubimascles e la femnas", "las rubiwomen" e "Naisser Filha en Occitania", n°7
- Los dreches de la femna", "Informacion sexuala, la contraception", "Las femnas e la ideologias" e "feminisme e Catalanisme", n°8
- "Dossièr Tendrum-Tendresa, per lo grop Femnas-Forabanda, 1978
(si vous en avez ça m'intéresse ...)
*