Una cançon que monta de la tèrra
amb l'odor siauda de las combas
flatingadas per l'autan...
Una cançon que raja de mon còr negat
de benaurança al païs perdut d'un còp èra...
Una cançon que sabi pas s'es dins la tèrra
o dins mon còr que s'enrasiga
Tant me senti pastat de tèrra e de susor :
La susor dels paisans e la tèrra mairala...
Es un punhat d'aquela tèrra
e de mon còr que te porgissi mon fraire
l'òme de pertot, romiu de sorgas escondudas
al prigond d'ancians terradors

Repic:
Tamplan, benlèu, a solelh colc,
se fas silenci e clucas l'uèlh,
onte que siás,
sentiràs lo ferum de greseta molzada
amb l'amarum d'una lagrema...
Un momenton, amb ma cançon,
te salvaràs !

M. ESQUIEU



SE VÒLS SABER

Repic:
Se vòls saber, mon fraire,
Qu'as fait tan de camin,
Lo païs de ton paire,
Te cal levar matin...

Veiràs dins l'alba que se banha
Los tresaurs de la telaranha
Lo cel d'estiu se durbirà
Quand l'alaudeta i montarà.

Un momenton dins lo campèstre
Te sentiràs urós e mèstre
De beure la vida a galet
Amb la cançon del vent folet...

Repic...

Trobaràs d'òmes pel terraire
E sentiràs que sès lor fraire ;
Quora te sarraràn la man
Sauràs que fan venir ton pan...

Longa serà ta caminada
De punta d'alba a nuèit tombada
E rintraràs amb un tropèl
D'estèlas nòvas dins ton cèl.

Repic...

M. ESQUIEU



AVETZ CROMPAT LA BORDA

Avètz crompat la borda
Mas i dormirètz pas !
Que non pas !
Avètz crompat la borda,
Les vièlhs o vòlon pas
Que non pas !

La trèva encadenada
Tustarà pel metal;
Se l'an abandonada,
Laissa pas son ostal !

La fachilhèra tòrta
Que trepeja pel sòl
Sargolharà la porta,
Negra dins son lençòl !

Lo fachilhèr que bada
Dins l'escur del randal
Farà sus la teulada
Sauticar son cavalh!

Darrièr la cantonada
Lo drag udolarà ;
Una tiòca enrufada
Vos farà tremolar !

Los rats e las aranhas,
Las piuses, los cimecs,
Sus vòstra carn estranha
Faràn los capurlets!

Al canton de mon paire
Lo grelh cantarà pas !
Lo grelh cansonejaire,
Que l'avètz acampat!

M. ESQUIEU



TE, TU, AQUI

Repic:

Te tu aquí
i a una cançon
del jorn de uèi
lo que vòl naisser
vira vira lo temps
te daisses pas morir

Es la cançon de tu de ieu
dels enfants de la tèrra d'òc
Dins lo solelh e lo grand vent
amé un còr nhafrat de vida
ne sèm anats sus lo camin
De mai en mai avèm patit
de tant de cel de tant d'amor
res que per tu, res que per ieu

Repic...

Para lo canh, para lo prince
De sus lo suèlh de ton país
dins lo solelh e lo grand vent
i a res que tu amé ta vida
ma vida tu, ta vida ieu
Mesclats de lutz dins nòstre còs
de mai en mai farèm levar
l'amor mai clar de nòstre temps

Repic...

A. COMBETTAS



LE COSIN

Le cosin de Rocacerièra
Venguèt chas nosaus dimècres o dijòus
En portant quatre o cinq panièras
De pechas e de caseras emai d'artichaus

En t'arribant nos metèrem a taula
L'invitant sul còp a dejunar
El s'assetèt et sens dire una paraula
Se l'acabèt tot sens brica se jainar

Repic:
Ai, ai, ai, le cosin
Ai, ai, ai de Rocacerièra

De cosins n'avèm a Pepusta
N'avèm tanben dins le Lauraguès
Aquelis ne son que flambutas
Aquelis tanplan non valon pas res

Cada jorn s'en van a Tolosa
Portar d'uòus, denreas o bestiaus
En tornant de sa mina joiosa
Aquò les empecha pas de tornar dinar a l'ostal !

Repic...



DINS LO COR DEL POETA

Dins lo còr del poëta
Mèmes al mes de genièr
Dins lo còr del poëta
creisson los cereisièrs
creisson los sugranièrs
Freule coma lo vent
E la neu divenca
De pomas a la prima
Urós lo que pòt
Se es un pauc poëta
Uros lo que pòt
Despassar la planèta
Aver enfin la testa
lo còr estabosits
Aver enfin la tèsta
Roja de cereisièrs !

Dins lo còr del poëta
Malgrat lo temps que fugís
Dins lo còr del poëta
Demoran los amors
Demoran las riquesas
De l'enfantesa perduda
E la fada jovença
plan lèu doblidada
Urós lo que pòt
Se es un pauc poëta
Eternisar lo blau
Eternisar la fèsta
E las gardar benlèu
gracias a una cançon

Dins lo còr del poëta
Contra vents e mareias
Dins lo còr del poëta
Crèis la libertat !

M. SENLIS, C. DELECLUSE
Revirada: J. VICENZUTTÒ



CANSON DE PENA

Ont vas atal, Peiròt,
Ambe ta biaça sus l'esquina ?
- Me'n vau préne lo trin,
Que venon de tampar l'usina...

Ont vas atal, Miquèl,
Que saludas pas ta vesina ?
- Me'n vau long del camin,
Que venon de barrar la mina...

Ont vas atal, Jacon,
Que ne fas une trista mina !
- Ai tampat lo molin,
Ai pas mai blat per far farina...

Ont anatz, vos, banquièr,
Dins vòstra bèla lemosina?
- Me pagar de bèl temps,
Aval, long de la mar latina...

M. CARRIERAS



ARSER

Arser lo vent me flisquetèt
Ambe sa pauta de polsièra
E sa cançon èra un grilhèt
Me comolavi de preguièra.

Parlavi pas al cim dels tucs
Coneissiái pas de nimfa agila.
Ni mai de sause fredeluc
Ambe las raices dins l'argila

Pr'aquò aguèri pro d'endura
Per me quilhar fòra sason
Davant que roja cremadura
Desamaguèsse l'orizont

Ai dins lo cap pelha de gloria
E tant d'espers de gaug untats
tant de monacas derisòrias
tant d'orasons pels defuntats

Aquò me prus de cantar faus
quand lo vin vièlh es sens noblesa.
E quand un òme vèn un brau
Cada desir es escomesa

E se ma cruca es tenebrosa
A l'ora clara al campanièr
Se mon recòrd es per Tolosa
E se vivi sens colombier

Qui m'a fotut aquela gloria
Aquel rambalh d'escumenjat
Se i a degun dedins ma boria
E se mon còr es sanglaçat ?

Luènh de l'estela matutina
A ran de vam de mos vint ans
Sabi pas pus ont es la china
Sabi pas pus se soi un can

Sabi pas mai ont es la china
M'esdejuni ambe de pan.
Qual me dira ont es e quina
Farà amb ieu caramentrant?

Perda siá sol òme de sang
la nuèit lo jorn son sens flaquesa
Espelufi mon crèba-fam
Me foti plan de la tendressa.

Bernat SICARD



LA NOVIA

Repic:
Quora la nòvia passarà
Nada carrièra florirà
florirà pas, granarà pas
Que la nòvia s'en va deman!

Avèm tròp de castèls
e de tors arroïnadas
e dins los camps desèrts
trop d'arbres avalits
e de meissons cremadas.
Dins las brumas del Nord
tròp de joves faidits
e tròp de vièlhs en dòl
Dins d'ostals amudits
Farèm pas la joncada !

Repic...

Avèm tant esperat
l'alba reviscolada
qu'avèm los uèlhs macats
De lagrema et de som,
l'arma tota empegada !
E l'esquina nos dòl
De trabalh et d'affronts.
I a de romècs pel sòl
e plus d'aiga a la font
Farèm pas la joncada !

M. ESQUIEU



LO RIU CORRENT

A l'ombra d'un ròc, vèrd de mossa,
L'aiga caqueta, pren la corsa,
Cap al valat, cor talament,
Que l'apelam lo riu corrent.

En caminant, trabuca, tomba,
E ditz, en fugint, dins la comba :
"Anem, anem, viste correm,
Que jamai nos arrestarem !"

A tant corrut, de prats, de landa,
Qu'a sautat dins la borga granda,
Antal pichon cascarelet,
Los gròs manjan los pichonets!

En cantant, l'aiga nos convida
A plan trabalhar, sens landrina.
E tanben, nos afanarem
Coma l'aiga del riu corrent.

L'aiga del riu, dins son viatge,
De nòstres jorns traça l'image.
Nòstra vida se'n anirà
Mas l'amor, jamai tarirà.

O. RODAS



LES VIEUX MARIS

Mon paire totjorn me crida
Filha, te marides pas !
Vivràs à ton aise
Ont lòc non saràs tan plan
Qu'a l'ostal de ton paire ?

Ai pas escotat mon paire
maridada ieu me som
Paura malurosa
Amb' un vielhardàs, gelós
que tota la nuèit ronca.

Me pessiga, me mossega
me dona de còps de pè
Aquel toroloro
le prendrem pel suc del cap
le ficarèm defòra
.
Le vèspre vau a la plaça
veire dansa's compagnons
Mon marit venguèt, gelós,
gelós d'un bon aire
Se dèu crebar
Que non demòra gaire !

Arremassem-nos femnestas
las qu'avem marit gelós.
les ficarèm dins un potz
quelas barbas grisas.
Non s'avisaràn pas pus
de caressar las filhas.

MA CHANSON

Une chanson qui monte de la terre
avec l'odeur douce des combes
sous la caresse de l'autan...
Une chanson qui coule de mon cœur noyé
de bonheur au pays perdu d'autrefois...
Une chanson dont je ne sais pas si c'est dans
la terre ou dans mon cœur qu'elle s'enracine
Tant je me sens pétri de terre et de sueur :
la sueur des paysans et la terre natale...
C'est une poignée de cette terre
et de mon cœur que je te tends, mon frère l'homme de partout, pélerin de sources cachées
dans la profondeur d'antiques terroirs...

Refrain:
Si bien que peut-être, au soleil couchant,
si tu fais silence et fermes les yeux,
où que tu sois...
tu sentiras l'odeur sauvage de la glèbe malaxée
dans l'amertume d'une larme...
Un petit moment, avec ma chanson,
tu te sauveras...

M. ESQUIEU



SI TU VEUX CONNAITRE

Refrain:
Si tu veux connaître, mon frère,
Qui a fait tant de chemin,
Le pays de ton père
Il faut te lever tôt.

Tu verras dans l'aube qui se baigne
Les trésors d'une toile d'araignée
Le ciel d'été s'ouvrira
Quand l'alouette y montera.

Un petit moment dans les champs
Tu te sentiras heureux et libre
De boire la vie à régalade
Dans la chanson d'un vent folâtre...

Refrain...

Tu trouveras des hommes à la terre
Et tu te sentiras leur frère
Quand ils te serreront la main
Tu sauras qu'ils font venir ton pain...

Long sera ton chemin
Du point du jour à la nuit noire
Et tu rentreras avec un troupeau
D'étoiles neuves dans ton ciel.

Refrain...

M. ESQUIEU



VOUS AVEZ EU LA FERME

Vous avez eu la ferme
Vous n'y dormirez pas,
Que non pas !
Vous avez eu la ferme
Les vieux ne le veulent pas,
Que non pas !

La fantôme enchaînée
Frappera sur le métal ;
La maison que l'on quitte,
Elle y reste fidèle !

La sorcière boiteuse
Qui claudique sur l'aire
Agitera la porte,
Noire dans son suaire !

Le sorcier au regard fixe
Dans le taillis obscur
Fera sur la toiture
Galoper son cheval !

De derrière un coin
Le drac hurlera;
La chouette hérissée
Vous fera frissoner !

Les rats, les araignées,
Les puces, les punaises,
Sur vos chairs étrangères
Feront les capuchons !

Au foyer de mon père,
Plus de grillon
De grillon musicien ;
Vous l'en avez chassé !

M. ESQUIEU



TIENS, TOI, LÀ,

Refrain:

Tiens toi là
il y a une chanson
du jour d'aujourd'hui
celui qui veut naître
tourne tourne le temps
ne te laisse pas mourir.

C'est la chanson de toi de moi
des enfants de la terre d'Oc
Dans le soleil et le grand vent
avec un cœur blessé de vie
nous sommes allées sur le chemin
De plus en plus nous avons souffert
de tant de ciel de tant d'amour
rien que pour toi, rien que pour moi

Refrain...

Gare au chien, gare au prince
De sur le seuil de ton pays
dans le soleil et le grand vent
il n'y a que toi avec ta vie
ma vie toi, ta vie moi
Mêlés de lumière dans notre corps
de plus en plus nous élèverons
l'amour le plus clair de notre temps

Refrain...

A. COMBETTES



LE COUSIN

Le cousin de Roquecerière
Vint chez nous mercredi ou jeudi
Portant avec lui quatre ou cinq paniers
De pêches et de noix et aussi d'artichauts.

En arrivant, nous nous mimes à table
L'invitant aussitôt à déjeuner
Il s'assit et sans dire un mot
Il acheva tout sans du tout se gêner.

Refrain:
Aie, aie, aie, le cousin
Aie, aie, aie, de Roquecerière

Des cousins, nous en avons à Pepuste
Nous en avons aussi dans le Lauragais
Ceux-ci ne sont que des volages
Et eux aussi ne valent rien.

Chaque jour ils vont à Toulouse
Porter des œufs, des denrées, des bestiaux
En revenant avec leur mine joyeuse
Ça ne les empêche pas de revenir dîner à la maison !

Refrain...



DANS LE COEUR DES POETES

Dans le cœur des poètes
Même au mois de janvier
dans le cœur des poètes
passent des cerisiers
passent des aubépines
tendres comme le vent
et la neige divine
des pommiers au printemps
Heureux celui qui peut
étant un peu poète
heureux celui qui peut
dépasser la planète
Avoir enfin la tête
le cœur émerveillés
Avoir enfin la tête
rouge de cerisiers !

Dans le cœur des poètes
malgré le temps qui court
Dans le cœur des poètes
survivent les amours
survivent les richesses
de l'enfance effacée
et la folle jeunesse hélas !
trop tôt passée
Heureux celui qui peut
étant un peu poète
Eterniser le bleu
Eterniser la fête
et les garder peut-être ces choses qui s'en vont
et les garder peut-être grâce à une chanson.

Dans le cœur des poètes
contre vents et marées
Dans le cœur des poètes
pousse la liberté !

M. SENLIS, C. DELECLUSE
Traduction : J. VICENZUTTÒ



CHANSON DE PEINE

Où vas-tu ainsi Pierrot,
Avec ta besace sur le dos
- Je m'en vais prendre le train
Ils viennent de fermer l'usine …

Où vas-tu comme ça, Michèl
Sans saluer ta voisine ?
- Je m'en vais le long du chemin,
Ils viennent de fermer la mine …

Où vas-tu comme ça Jacou,
Tu en fais une truste mine !
- J'ai fermé le moulin
Je n'ai plus de blé pour la farine

Où allez-vous, banquier,
Dans votre belle limousine ?
- Me payer du bon temps,
Là-bas, le long de la mer latine …

M. CARRIERAS



HIER SOIR

Hier soir le vent m'a fustigé
Avec sa patte de poussière
Et son chant était un grillon
Je me remplissais de prière.

Je ne parlais pas au sommet des collines
Je ne connaissais pas de nymphe agile
Ni de saule frileux
Avec ses racines d'argile.

Pourtant j'eus assez de constance
Pour me lever hors de saison
Avant qu'une rouge brûlure
Ne révélât tout l'horizon

J'ai dans ma tête un lambeau d'orgueil
et tant d'espoirs tâchés de joie
tant de pantins dérisoires
tant d'oraisons pour les défunts

Ça me démange de chanter faux
Quand le vin vieux est sans noblesse
et quand l'homme devient taureau
chaque désir devient défi

Et si mon crâne est ténébreux
A l'heure claire du clocher
Si mon souvenir est pour Toulouse
Et si je vis sans pigeonnier

Qui m'a fichu cet orgueil
ce vacarme d'excommunié
S'il n'y a personne dans ma ferme
Et si mon cœur est sang-glacé ?

Loin de l'étoile matinale
tout près de l'ardeur de mes vingt ans
Je ne sais plus où est la chine
Je ne sais plus si je suis un chien.

Je ne sais plus où est la chine
je déjeune avec du pain
Qui me dira où est et qui
fera carême avec moi ?

Dommage que je sois seul, homme de sang
La nuit, le jour sont sans faiblesse
J'effeuille mon crève-la-faim
Je me fous bien de la tendresse.

Bernard SICARD



LA MARIEE

Refrain:
Quand la mariée passera
Aucune rue ne fleurira,
Ne fleurira, ne grainera
Car la mariée s'en va demain

Nous avons trop de châteaux
Et de tours ruinées,
Et dans les champs déserts
Trop d'arbres détruits
Et de moissons brûlées.
Dans les brumes du Nord
Trop de jeunes déportés,
Et trop de vieux en deuil
Dans de maisons muettes
Nous ne ferons pas la jonchée !

Refrain...

Nous avons tant attendu
L'aube d'un réconfort
Que nos yeux sont meurtris
De larmes et de sommeil.
Notre âme est engluée
Et le dos nous fait mal
De travail et d'affronts.
Il y a des ronces sur le sol
Et la fontaine est tarie.
Nous ne ferons pas la jonchée !

M. ESQUIEU



L'EAU VIVE

A l'ombre d'un rocher vert de mousse
L'eau caquette, prend sa source
Vers le fossé, elle court tellement
Que nous l'appelons le ruisseau courant.

Cheminant, il trébuche et tombe
Et dit en fuyant vers la combe
«Allons, allons, vite courrons
Jamais nous ne nous arrêterons».

Il a tant couru, à travers prés, de landes
Qu'il a sauté dans un grand fleuve
Comme un petit freluquet
Les gros mangent les freluquets.

En chantant l'eau nous convie
A bien travailler, sans lambine
Et ainsi nous nous presserons
Comme l'eau du ruisseau courant.

L'eau du ruisseau, dans son voyage
Trace l'image de nos jours
Notre vie s'en ira
Mais jamais l'amour ne tarira.

O. RODES



LES VIEUX MARIS

Mon père me crie toujours
Fille ! ne te maries pas
Tu vivras à ton aise
Où donc seras-tu mieux
Que chez ton père ?

Je n'ai pas écouté mon père,
je me suis mariée.
Pauvre malheureuse !
Avec un vieillard, jaloux
qui ronfle toute la nuit.

Il me pince, il me mord,
il me donne des coups de pieds.
Cet espèce de touroulourou
Nous le prendrons par la peau du cou
Nous le flanquerons dehors.

Le soir je vais sur la place
voir danser mes camarades ;
Mon mari vient toujours jaloux
jaloux de mon plaisir.
S'il doit crever
Qu'il se dépêche !

Réunissons-nous petites femmes,
Celles qui avons des maris jaloux.
Nous les flanquerons dans un puits
Ces barbes grises
ne s'aviseront plus
de caresser les filles.