acuèlh musica memòria autras eveniments
[revirada]
L'ataca del trenòt toristic e la presa d'assaut del Capitòli
Dins aquel extrach del libre de racontes-testimoniatges Et s'ouvre enfin la maison close (Demain les flammes, 2022), las personas contan las accions que faguèron per aparar lor seu esquat «Le Clandé» - un ancian bordèl de luxe dins lo quartièr dels Chalets a Tolosa - qu'èra amenaçat de descasament dins las annadas 2000. D'accions de las creativas plan luènhas del militantisme d'esquerra tradiconal e que saupran nos inspirar per las luchas d'avuèi ...
Alícia : Adoràvem faire de bestiesas, coma de monards. D'unas idèas se mostrèron plan risolièras. Coma l'ataca del trenòt toristic – aviái ausit parlar d'una accion similara a Marselha.
Enric : Enfilam de blaus de trabalh, botem de mocadors e, quilhats sus nòstres velòs talas de raubaires estradièrs, esperam lo trenon. Nos èrem entenduts per getar las nòstras bicicletas davant lo tren, lo prene per assaut e faire lo torn de la vila en bramant dins un pòrtavotz « Lo Clandé deu viure ! ». Mas caliá d'en primièr fotre defòra lo conductor del veïcul.
Claudi : Lo tren es blocat, un velò jairat davant sas ròdas. E de tracts son distribuits als passatgièrs.
Enric : Sorgissèm amb de bandairòlas que quicham sus los wagons que dintram. Al dedins, i a de toristas americans que comprenon pas res e se meton a nos fotografiar. Mas i a tanben de vielhòtas que, elas, son pas cap contentas. Una d'elas va cap a sortir son ganivet per despenjar la bandairòla. Quand li demandam de çò que fa, nos respond quicòm coma « Ai pagat, es pas per las vòstras conariás ! ». Me remembri que bramàvem : « atencion, avem de toristas americans per ostatges ! ». Nadavem dins l'òli ...
Claudi : Lo calfaire davala per desgatjar la rota.
Alícia : Èra pas gaire simpatic. Temptèrem de li panar las claus e de lo botar defòra, aquò l'aviá encanhat.
Juli: Torna desmarrar a fons virant cap a la prefectura, qu'es pas qu'a qualquas carrièras d'aquí.
Alícia: Partiguèt a la galaupada, amb qualques uns de nosautres encara arrapats a bòrd.
Claudi: E ieu, lançat a la lors troças, de lor bramar de sautar : «vos mena cap a la prefectura !»
[...]
Alexia: Aprèp aquò, barrutlàvem un pauc dins la vila, sens enveja de n'acabar aquí. D'amics èran figurants dins lo tornatge del film "D'Artagnan" que se teniá sus la plaça del Capitòli – sabi pas pus qual agèt l'idèa mais aquò èra quicòm de ne pas mancar.
Juli: Una produccion bèlga-franca-alemanda aviá elegida domicili a Tolosa per un ennau film subre D'Artagnan. I aviá un besonh grand de figurants, e coma avèm pas un sòu, èrem un molon a s'ésser fait embauchar – dempuèi aquela epòca disi que joguèri amb Catherine Deneuve e Tim Roth. Los figurants jogavan los nòbles, los mosquetaires e los gusses.
Mariana: Èri una gusa.
Juli: Èri mosquetari. Sus mon CV, aviái marcat que sabiái faire d'escrima e montar a caval, çò qu'èra de segur completament fals. Alavetz, m'entraini amb los autres: nos getam los uns sus los autres dins los escalièrs de la comuna, e lo mèstre d'armas ne pòt pas pus ! Cerièra sul pastís, los nòbles van amodar un moviment de grèva.
Mariana: Los intermitents demandavan de melhors salaris qu'èran quitament pas pagats al tarifi sindical. E exigissián tanben de paniers-repas, pas de bons per anar bofar al McDo coma èra previst !
Juli: Perqué los nòbles començan lo moviment ? Perqué son elis qu'an los vestits los mai cars. Amenaçan de los tornar pas s'obtengan pas satisfaccion de la lors demandas. Al cap d'una jornada de plegabraç , la direccion craca. Aprèp aqueles tres jorns de tornatge bravament caotics s'aprèsta la scèna: l'ataca del castèl per los gusses. Lo castèl, es lo Capitòli – çò qu'en se es ja una peguesa que, i a pas que los americans per créser que lo Capitòli reverta un castèl del XVIIen sègle, mas passem aquò ... La plaça, emplenada de sabla per l'escasença es percintada de barrièras que los vigils tenon jos bona garda.
Mariana: Cap a nuèit tombada, nautres los gusses, nos aprestam a jogar la scèna: sèm supausats córrer d'un cap a l'autre de la plaça en cridant. Quora "moteur !" retronís, nos metem en accion. E ausissèm una mena de bramadissa que monta darrièr nos ...
Alícia: Esperàvem, motivats, darrièr las bandairòlas, e al tòp corriguèrem cap a l'entrada del Capitòli.
Alexia: Ornham, nos espalmonam, avèm de còns d'òbras per pòrtavotz. Dins la scèna, los gusses corron cap al palais. Levat que darrièr los gusses, i aviá de gents, e aquelas gents, èran nautres.
Miquèl: La sécu arriva pro vite e nos estrema dins un canton de la plaça. Peter Hyams, lo realisador, ven nos veire. Compren pas res. Una amiga que parla fòrt plan l'anglés ensaja de li explicar que fasèm aquò per aparar lo Clandé, mas vòl pas res ausir. "Comprenes pas res perqué siás con, mai d'aquò tos films son dels pus marrits !" Aquí lo tipe comprenguèt quicòm, es qu'èra la sia jornada ...
[...]
Alexia: La tòca de tota aquela campanha èra de faire de bruch dins la vila, que de per las nòstras conariás se parle del Clandé e dels descasaments d'esquats.
*